SEREKALI YALAMIKIWA KUENDELEA KUWAKUMBATIA WAWIEKEZAJI WA MADIN

CHAMA cha wafanyabiashara na wanunuzi wakubwa wa madini mkoani Arusha (TAMIDA ),wameilalamikia serikali kwa kuendelea kuwakumbatia wawekezaji wa madini ambao ni raia wa kigeni kuendelea kufanya biashara hapa nchini,kinyume cha sheria ikiwa ni pamoja na kutumia leseni moja kwa wawekezaji zaidi ya watano .

Wakizungumza na waandishi wa habari katika kikao cha dharura kilichofanyika mjini hapa,wafanyabiashara Augustino Kimweri na Elisha Yohana kwa niaba ya wenzao wamedai kuwa, wawekezaji hao wamekuwa wakikiuka taratibu na sheria za ununuzi wa ndani wa madini na kusababisha kero na adha kwa wafanyabiashara wa ndani ikiwemo kusafirisha madini bila kukatwa .

Walisema kuwa wawekezeji hao wamekuwa wakifungua kampuni mbalimbali za ununuzi wa madini hapa nchini kwa kuwatumia wazawa ambao wengi wao ni wafanyakazi wao na kuwakatia leseni kama wawekezaji, ambapo hufanya ununuzi wa madini kwa kuyafuata migodini kinyume cha utaratibu wa lessen ya uwekezaji wa madini ,inayokataza mwekezaji kununua madini migodini.

Walisema hali hiyo imekuwa ikisababisha wafanyabiashara wa ndani kukosa soko la upatikanaji wa madini kutokana na wawekezaji hao kuyanunua kwa bei kubwa na kuyasafirisha moja kwa moja bila hata kuyakata kama taratibu za leseni zao zinavyoelekeza.

Aidha waliongeza kuwa, wawekezaji wamekuwa wakisafirisha madini yenye uzito wa gramu 1 na kuendelea ambayo serikali imepiga marufuku kuyasifirisha madini hayo kabla hayajakatwa hapa nchini huku wakichanganya na madini yenye uzito wa gramu 0.9 ambayo serikali imeyaruhusu yasafirishwe bila kukatwa.

Walisema kuwa, hali hiyo inakiuka sheria ya uwekezaji wa madini nchini ,ikiwa ni pamoja na kukosa soko la biashara ya madini hapa nchini kwa kuwa idadi kubwa ya madini husuisani Tanzanite soko lake linahamishiwa nje ya nchi badala ya kufanyika hapa nchini .

Vile vile walisema kuwa kuna wafanyabiashara wa kigeni waliongia ubia na watanzania kwa kufungua Kampuni ya kununua madini hapa nchini.

Walisema uwepo wa Kampuni hizo za kigeni kwenye soko la madini umesababisha ujio wa wawekezaji wakubwa ndani ya ofisi zao kwa kisingizio cha wataalam na hivyo kuwa chanzo cha utoroshwaji wa madini ya Tanzanite kwenda nje ya nchi hususani nchi ya India na kufanya nchi hiyo iwe kitovu cha uuzaji wa madini ya Tanzanite duniani.

Kwa upande wa mwenyekiti wa TAMIDA kanda ya kaskazini,Sammy Mollel alisema kuwa sekta ya madini hapa nchini imekuwa ikikabiliwa na changamoto nyingi ,ikiwemo ya wazawa kutonufaiki na madini badala yake ,wawekezaji ndio wamekuwa wakipewa kipaumbele,hali inayochangia kwa wananchi kutoona umuhimu wa kuwepo kwa wawekezaji hapa nchini.

Mollel alisema kuwa ,wameishauri serikali kupitia wizara husika,kutazama upya utoaji wa leseni kwa wawekezaji badala yake leseni zitolewe kupitia kwa kamishna wa madini nchini hatua ambayo itasaidia kuwatambua wawekezaji moja kwa moja ikiwemo kuwafanyia uchunguzi.

Waliiomba serikali kufuta leseni za wawekezaji wote wa madini ili watume maombi upya pamoja na kukamilisha masharti ya serikali ikiwemo kuweka sharti la kakata madini hapa nchini yanayoanzia gramu 1 na kuaendelea badala ya kuyasafirisha yakiwa hayajakatwa.

Aidha waliiomba serikali kuhakikisha kuwa wanawaondoa wawekezaji wa madini toka nje ya nchi wakipewa mita na serikali yao huku wafanyabiashara wakubwa wa madini wakiwa hawanufaiki chochote ndani ya nchi yao.

Share this: