NTABAKUZE SASA KUTUMIKIA MIAKA 35 JELA,KESI YA MUGESERA MEI 24

 Mahakama ya Rufaa ya Mahakama ya Kimataifa ya Mauaji ya Kimbari ya Rwanda (ICTR) Jumanne, imethitisha adhabu za warufani wawili na kumpunguzia mwingine mmoja, Meja Aloys Ntabakuze adhabu ya kifungo cha maisha jela hadi miaka 35.Wakati huohuo kesi ya msomi,Leon Mugesera aliyerejeshwa nchini Rwanda, Januari mwaka huu kutoka Canada itafikishwa mahakamani tena Mei 24. 

ICTR

Ataka Gatete atiwe hatiani kwa kosa la kula njama: Jumatatu Mei 7, Mahakama ya Rufaa ya Mahakama ya Kimataifa ya Mauaji ya Kimbari ya Rwanda (ICTR) ilisikiliza rufani ya Jean Baptiste Gatete ambapo mwendesha mashitaka aliiomba mahakama hiyo imtie hatiani pia kwa shitaka la kula njama za kufanya mauaji.Machi 29, 2011 Gatete alitiwa hatiani kwa kuhusika na ya Watutsi katika maeneo matatu tofauti Mashariki mwa Rwanda kati ya Aprili 7 na 12, 1994. Alihukumiwa kifungo cha maisha jela. Kwa upande wake, mawakili wa utetezi waliomba mteja wao apunguziwe adhabu.

Ntabakuze apunguziwa kifungo cha maisha hadi miaka 35 jela: Aliyekuwa na bahati ya pekee katika rufaa tatu zilizotolewa hukumu Jumanne na Mahakama ya Rufaa ya ICTR ni Meja Aloys Ntabakuze ambaye amepunguziwa adhabu kutoka kifungo cha maisha jela hadi miaka 35. Ntabakuze alitiwa hatiani kwa mauaji ya kimbari,uhalifu dhidi ya binadamu na uhalifu wa kivita Desemba 18, 2008 kwa sababu ya  askari waliokuwa chini ya mamlaka yake kushiriki kwenye mauaji katika maeneo matatu katika jiji laKigalimwaka 1994.

Siku hiyo pia Mahakama ilithibitisha adhabu walizopewa warufaani wawili na mahakama ya ICTR. Wahusika ni pamoja na Afisa wa zamani wa jeshi la Rwanda Luteni Idelphonse Hategekimana ambaye ataendelea kutumikia adhabu yake ya kifungo cha maisha jela. 

Hategekimana alipatikana na hatia  kwa makosa ya mauaji ya kimbari na uhalifu dhidi ya binadamu.Mwingine aliyethibitishiwa adhabu yake ni mfanyabiashara Gaspard Kanyarukiga aliyetiwa hatiani Novemba 1, 2010 kwa makosa ya mauaji ya kimbari na kuteketeza kizazi kwa kushirikiana na wengine, kubomoa kanisa la Nyange, Magharibi ya Rwanda, Aprili 16, 1994.Watutsi wapatao 2000 waliokuwa wanapata hifadhi katika kanisa hilo waliuawa.

RWANDA

Mugesera mahakamani Mei 24: Msomi aliyerejeshaRwandaJanuary mwaka huu, Leon Mugesera atarejea mahakamani Mei 24.Mgesera anashikiwa kwa makosa ya kuchochea mauaji ya kimbari katika hotuba aliyoitoa katika kkutano wa chama chake cha siasa mwaka 1992. Aprili 17,Mahakama Kuu nchiniRwandailituplia mbali maombi yake ya kutaka kesi yake isikilizwe kwa lugha ya Kifaransa na badala yake mahakama iliamuru isikilizwe kwa lugha ya Kinyarwanda.

WIKI HII

ICC

Wiki hii, Jumanne, Mei 15, Mahakama ya Kimataifa ya Makosa ya Jinai (ICC) itasikiliza hoja za mwisho katika kesi inayowakabili waasi wawili wa zamani wa Jamhuri ya Kidemokrasia ya Congo (DRC), German Katanga na Mathieu Ngudjolo. Watu hao wanashitakiwa kwa uhalifu dhidi ya binadamu na uhalifu wa kivita kwa kuhsika kwao katika mashambulizi ya eneo la Bogoro, Ituri, Mashariki mwa DRC, Februari 24, 2003 ambapo watu zaidi ya 200 waliuawa.

SCSL 

Mahakama Maalum ya Sierra Leone (SCSL) wiki hii, Jumatano Mei 16, itasikiliza hoja za mapendekezo ya adhabu anayostahili kupewa, Rais wa zamani wa Liberia, Charles Taylor (64) aliyetiwa hatiani na mahakama hiyo kwa makosa 11 ya vita na uhalifu dhidi ya binadamu.Alikuwa anahusika kwa kuwasaidia waasi wa Seirra Leone katika vita vya wenyewe kwa wenyewe kati ya mwaka 1991 na 2000. Mwendesha mashitaka kapendekeza ahukumiwe kifungo cha miaka 80 jela.

Share this: