TAYLOR AISHUTUMU MAREKANI KWA KULA NJAMA DHIDI YAKE

Mbele ya Mahakama Maalum ya Sierra Leone (SCSL) wiki hii Rais wa zamani wa Liberia, Charles Taylor aliilaimu Marekani kwa kula njama dhidi yake wakati katika Mahakama ya Kimataifa ya Makosa ya Jinai (ICC) majaji walisikiliza hoja za mwisho za mwendesha mashitaka katika kesi inayowakabili GermanKatanga na Mathieu Ngudjolo.

SCSL

Taylorailaumu Marekani kwa kula njama dhidi yake: Rais wa zamani waLiberia, Charles Taylor Jumatano wiki hii aliilaimu Marekani kwa kula njama za kumwodoa madarakani na kumshitaki alipopewa nafasi na Mahakama Maalum ya Sierra Leone (SCSL) kusema neno la mwisho katika kesi yake kabla ya siku ya hukumu. Mwendesha mashitaka kapendekeza ahukumiwe kifungo cha miaka 80 jela kwa kuzingatia uzito wa makosa na ukatili uliofanyika nchini Sierre Leone wakati wa uhalifu huo. Lakini mawakili wake waliileza mahakama kwamba adhabu hiyo ni sawa na kumpatia kifungo cha maisha jela.

ICC

Mwendesha mashitaka atoa hoja za mwisho kesi yaKatanga:Mahakama ya Kimataifa ya Makosa ya Jinai (ICC) imesikiliza hoja za mwisho za upande wa mwendesha mashitaka katika katika kesi inayowakabili waasi wawili wa zamani wa Jamhuri ya Kidemokrasia ya Congo (DRC), German Katanga na Mathieu Ngudjolo. Akiwasilisha hoja zake, mwendesha mashitaka alidai kwamba katika eneo la Bogoro, waasi waliua kila mtu.Watu hao wanashitakiwa kwa uhalifu dhidi ya binadamu na uhalifu wa kivita kwa kuhusika kwao katika mashambulizi ya eneo la Bogoro, Ituri, Mashariki mwa DRC, Februari 24, 2003.

Ocampo ataka kamanda wa FDLR akamatwe: Jumatatu wiki hii,Mwendesha mashitaka wa ICC Luis Mreno Ocampo alitoa hati ya kukamatwa kwa kamanda kundi la waasi la FDLR, Sylvestre Mudacumura.Anatuhumiwa kwa mashitaka matano ya uhalifu dhidi ya binadamu na uhalifu wa kivita uliofanyika katika majimbo ya Kaskazini na Kusini mwa Kivu, DRC.

ICTR

Ushaidi maalum kesi ya Bizimana wapokelewa: Mahakama ya Kimataifa ya Mauaji ya Kimbari ya Rwanda (ICTR) Jumatatu wiki hii ilianza kupokea ushahidi maalum wa utetezi katika kesi inayomkabili Waziri wa zamani wa Ulinzi waRwanda, Augustin Bizimana ambaye bado anasakwa.

WIKI IJAYO

ICTR

Majaji na pande zinazohusika katika kesi ya mauaji ya kimbari yaRwandainayowakabili Waziri wa zamani wa Ulinzi waRwanda, Augustin Ngirabatware Jumatatu ijayo wataanza ziara nchiniRwandaya kutembelea maeneo yanayosadikiwa kutendeka kwa uhalifu mwaka 1994.

RWANDA

Mugesera mahakamani Mei 24: Msomi aliyerejeshwaRwandaJanuary mwaka huu, Leon Mugesera atarejea mahakamani Mei 24, Alhamisi ijayo.Mgesera anashikiwa kwa makosa ya kuchochea mauaji ya kimbari katika hotuba aliyoitoa katika mkutano wa chama chake cha siasa mwaka 1992.

ICC

Mawakili wa utetezi katika kesi inayowakabili waasi wawili wa DRC, German Katanga na Mathieu Ngudjolo watawasilisha hoja zao za mwisho mbele ya ICC.

 Habari  zote na mdau wa libeneke la kaskazini Nicodemus Ikonko.

Share this: