ASKARI WAWILI WAKAMATWA WAKISINDIKIZA MADAWA YA KULEVYA HOLILI

Jeshi la polisi mkoani hapa limefanikiwa kukamata magunia 30 ya bangi huku askari wawili wa jeshi hilo mkoani hapa wakikamatwa wakati wakisindikiza magunia 18 ya madawa ya kulevya aina ya mirungi kwenye mpaka wa nchi na Kenya Holili mkoani Kilimanjaro.

Akizungumza na vyombo vya habari Kamanda wa jeshi hilo mkoani hapa kamishna wa msaidizi wa polisi Liberatus Sabas alisema kuwa mnamo tarehe 19 mwezi huu huko mpakani mwa nchi ya Kenya na Tanzania Holili mkoani Kilimanjaro askari wawili wa Jeshi hilo mkoani hapa Koplo Edward na Mwenzake pc.George walikimatwa akisindikiza mirungi magunia kumi nane.

Kamanda Sabas alisema kuwa watuhumiwa hao wapo mkoani Kilimanjaro na taarifa zao anazo kamanda wa polisi mkoa wa Kilimanjaro Robert Boaz alibainisha kuwa jeshi hilo limefanikiwa kuwakamata watuhumiwa watatu wakiwa na bangi magunia 30 katika msako mkali walioufanya kwenye kata ya Ngarenanyuki wilayani Meru.

Sabas alibainisha kuwa wengine wawili walikimbia na jeshi hilo linawatafuta katika hatua nyingine jeshi hilo limakamata gari lenye namba za usajili KBQ372V lililoibiwa nchi jirani ya Kenya majira ya saa 6:30 usiku huko wilayani Longido.

Kamanda Sabas alisema kuwa katika kupambana na mitandao ya madawa ya kulevya walifanikiwa kuwakamata askari hao na kuwataka watanzania na wakazi wa mkoa huu kutoa taarifa zitazosaidia kumaliza matukio ya kiuhalifu mkoani Arusha kwani Arusha bila ya madawa ya kulevya inawezekana na nchi vile vile pia

Share this: