SHAMRASHAMRA ZA UFUNGUZI WA SHINA LA CCM CARDIFF WALES TAWI LA CCM UNITED KINGDOM

SHAMRASHAMRA ZA UFUNGUZI WA SHINA LA CCM CARDIFF WALES TAWI LA CCM UNITED KINGDOM

 Baadhi ya Viongozi, Wajumbe na  Wanachama Wapya katika picha ya pamoja

  Mwenyekiti wa CCM TAWI LA UNITED KINGDOM Ndugu Maina Ang’iela Owino akimkabidhi vitendea kazi  ikiwemo katiba ya chama kwa Ndugu Chande Kigwalilo mwenye kofia Mwenyekiti Shina jipya la Cardiff.

Katibu wa CCM TAWI LA UNITED KINGDOM Bi. Mariam Mungula akimkadhi kadi za wanachama wapya Katibu wa shina Jipya la CCM Cardiff Bi. Rosemary Kiputa.

 Mwenyekiti wa TAWI LA CCM UK Ndugu Maina Ang’iela Owino akiongoza nyimbo za chama katika shamrashamra za ufunguzi wa shina jipya la CCM CARDIFF WALES.

 Wajumbe wakitega sikio kusikia machache toka kwa Mwenyekiti wa TAWI LA CCM UK

Ndugu Maina Owino hayupo pichani.

 Naibu Katibu CCM TAWI LA  UNITED KINGDOM Ndugu Albert Ntemi, Naibu katibu Itikadi Siasa na Uenezi CCM TAWI LA UNITED KINGDOM Ndugu Abraham Sangiwa na Bi Rose Kiputa Katibu shina jipya la Cardiff wakifuatila kwa makini mada muhimu katika ufunguzi huo.

 Makamu Mwenyekiti CCM TAWI LA UNITED KINGDOM Ndugu Said Sukwa akitoa yake machache katika ufunguzi huo.

 Wajumbe wa Shina jipya la CCM Cardiff Wales.

 Wajumbe na wanachama wapya CCM Shina la Cardiff.

 Naibu Katibu Itikadi Siasa na Uenezi CCM TAWI LA UNITED KINGDOM Ndugu Abraham Sangiwa katika picha ya pamoja na Mwenyekiti wa Shina la CCM Cardiff Ndugu Chande Kigwalilo na Mjumbe wa Shina la CCM Cardiff Bi. Prudencia Kimiti.

 Viongozi waliochaguliwa Shina la CCM Cardiff wakichukua nafasi zao aliyesimama na kutoa machache ni Ndugu Chande Kigwalilo Mwenyekiti Shina la CCM Cardiff akiwashukuru wajumbe kwa kumpa nafasi ya kuongoza shina hilo.

 Wajumbe wa CCM Cardiff wakipeana mkono wa pongezi toka kwa Mwenyekiti CCM UK Ndugu Maina Owino.

 Dr. Abdallah Saleh Mwenyekiti wa CCM Shina la Northmpton akifafanua jambo katika ufunguzi huo.

Bi. Prudencia Kimiti Mjumbe wa CCM Shina la Cardiff akitoa shukrani zake kwa uongozi wa TAWI LA UNITED KINGDOM kwa kuwezesha ufunguzi wa Shina Jijini CARDIFF.

Na Abraham Sangiwa Itikadi Siasa na Uenezi CCM – UNITED KINGDOM

Katika ufunguzi huo uliojaa shamrashamra na nderemo na  kuhudhuriwa na viongozi wote wa Tawi la CCM UK, Mwenyekiti wa Tawi la CCM UNITED KINGDOM Ndg  Maina Ang'iela Owino, Makamu Mwenyekiti  Ndugu Said Sukwa, Katibu Bi. Mariam Mungula, Naibu Katibu Ndugu Albert Ntemi, Katibu wa Itikadi, Siasa na Uenezi Ndugu Leybab Mdegela, Naibu Katibu Itikadi, Siasa na Uenezi Ndugu Abraham Sangiwa, Katibu wa Uchumi na Fedha Ndugu John Juma Lyimo, Naibu Katibu Uchumi na Fedha Ndugu Mohamed Upete na wanaCCM toka mashina mbalimbali ya CCM UK.

 Mwenyekiti wa Tawi la CCM UNITED KINGDOM Ndg  Maina Ang'iela Owino aliwashukuru Watanzania hao kwa kujitokeza kwa wingi kuandaa, kuyakubali madhumuni  na kujiunga na Chama Cha Mapinduzi.  Ndg Owino  aliwakumbusha kuwa uhalali wa shina lao unajumuishwa katika Sera ya nje na matawi yake katika Katiba ya CCM.

Ndg Owino aliwakumbusha kuwa kujiunga na CCM kunaambatana na kuzingatia masharti ya kuheshimu watu, kufanya juhudi za kuielewa, kuielezea, kuitetea na kuitekeleza Itikadi na Siasa ya CCM. Pia kwamba CCM inathamini haki na wajibu wa mwanachama.

Aidha Ndg Owino hakusita kuwakumbusha kuwa CCM na Serikali yake inaendelea kujijenga na kuboresha taasisi zake ili kuendana na mahitaji ya kizazi na wakati uliopo na hivyo basi  wanaCCM Cardiff wasioneane haya wala kuogopa kuchagua viongozi wenye sifa za kutosheka na wasio tawaliwa na tamaa na watakao zingatia miiko ya uongozi kama inavyoainishwa katika katiba ya CCM.

Kabla ya kuhitimisha hotuba yake Ndg Owino alichambua na kuainisha kwa kina na kuishirikisha halaiki kufanya tathmini ya wazi ya jinsi CCM imeiongoza serikali kutekeleza ilani yake ya uchaguzi ya 2005/2010 na mafanikio dhahiri yanayopatika katika kutatua kero za wananchi. Aidha alisema baadhi ya changamoto zilizopo nchini ni matokeo ya mabadiliko endelevu, kukua na kuendelea kwa mifumo na taasisi za umma na sekta binafsi na kwamba CCM na serikali yake inaendele kujiimarisha kuyakabili kwa mikakati na mipango endelevu ya muda mfupi na mrefu, pia Ndugu Maina aliwakumbusha Wana CCM UK Kuwa mchango wao unathaminiwa na ni wamuhimu katika kuleta mabadiliko yatayowanufaisha wengi katika nyanja mbalimbali muhimu za kimaendeleo na kichumi

Idara ya Itikadi Siasa na Uenezi na ile ya Uchumi na Fedha walitoa machache yanayohusu idara zao na namna zinavyofanya kazi ili kuwapa mwanga wanachama wapya na viongozi katika shina hilo.

Ufunguzi huo ulifuatiwa na uchaguzi wa Viongozi mashina uliosimamiwa na Katibu wa CCM UK, Bi Mariam Mungula.

Viongozi waliochaguliwa katika shina hilo jipya la Cardiff – Wales ni;

1. Chande Kigwalilo                    Mwenyekiti wa Shina
2. Bi. Rosemary Kiputa              Katibu wa Shina
3. Prudencia Kimiti                      Mjumbe wa Shina
4. Munde Nyirambo                     Mjumbe wa Shina
5. Alen  Mguto                             Mjumbe wa Shina

Mara baada ya uchaguzi huo Mwenyekiti wa shina jipya la Cardiff Ndugu Chande Kigwalilo alitoa machache na kushukuru wajumbe na wanachama kumpa nafasi ya kuliongoza shina na kushukuru uongozi wa tawi kwa kufanikisha ufunguzi huo na kuwakarakibisha Jijini Cardiff.

Imetolewa na Idara ya Itikadi Siasa na Uenezi

CCM TAWI LA UNITED KINGDOM

MAPOKEZI YA DK. KAFUMU IGUNGA YAFUNIKA

*MAELFU WAJITOKEZA KUMLAKI

*CCM YAAHIDI KUTEKELEZA AHADI ZOTE KABLA YA 2015

*NAPE ATAKA VYAMA VYENYE MLENGO WA UGAIDI VISUWE

Dk. Kafumu akiwasalimia wananchi kwenye mkutano huo.
Kushoto ni Katibu wa NEC, Itikadi na Uenezi, Nape Nnauye 

NA BASHIR NKOROMO, IGUNGA

WAKATI mapokezi ya Mbunge wa Igunga Dk. Dalally Peter Kafumu yamesababisha baadhi ya shughuli kusimama, kwa hoi hoi, nderemo na vifijo, Chama Cha Mapinduzi (CCM) kimeahidi kuongeza kasi ya utekelezaji wa ahadi ilizotoa katika jimbo hilo.

Akizungumza kwenye mkutano wa mapokezi ya Dk. Kafumu uliofanyika leo kwenye Uwanja wa Sokoine mjini hapa, Katibu wa NEC, Itikadi na Uenezi, Nape Nnauye, alisema CCM lazima itazitekeleza ahadi zote zilizotolewa na mbunge huyo kupitia ilani ya Chama wakati akigombea katika uchaguzi mdogo uliofanyika 2011 jimboni humo.

"Baada ya mahakama kumrejeshea Ubunge mbunge wetu, CCM inaahidi kwamba ahadi zote alizotoa mbunge wenu zitatekelezwa kabla ya mwaka 2015. Na kwa kuwa Chadema walipunguza kasi kwa kusimamisha mbunge wenu baada ya kumpeleka mahakamani, CCM itaisimamia serikali ili kuhakikisha inaongeza kasi ya utekelezaji wa ahadi hizo kufidia pale utekelezaji ulipokuwa umepungua kasi", alisema Nape.

Alisema, licha ya Dk. Kafumu kusimamishwa na mahakama, CCM iliendelea kutekeleza ilani katika jimbo la Igunga, kwa sababu ni wajibu wake kutokana na kwamba CCM ndicho chama chenye ilani inayotelekezwa kutokana na kuvishinda vyama vyote katika uchaguzi mkuu uliopita.

Nape alisema, moja ya miradi ambayo Dk. Kafumu na CCM waliahidi  ni ujenzi wa daraja la mto Mbutu ambalo, alisema, sasa ujenzi wake unaendelea na yapo matumaini ya kukamilika kama ilivyopangwa.

Alisema, ahadi zingine ni kuhusu umeme, Barabara na afya ambavyo ni miongoni mwa mambo ambayo yapo katika ilani ya CCM, ambayo lazima CCM iyape kipaumbele kuhakikisha yanakamilika kuondoa au kupunguza kero za wana-Igunga.

Nape aliwataka wananachi wa Igunga kumpokea mbunge wao kwa mikono miwili na kumpa ushirikiano katika kutekeleza ahadi zake kwa sababu ni Mbunge ambaye wamepewa na Mungu wao na ndiyo sababu ameweza kurejeshwa na Mahakama licha ya juhudi za Chadema kujaribu kumkwamisha asiwatumikie.

"Hukumu ya kwanza tulishangaa, lakini kwa sababu tuliheshimu sheria kukatulia na kukata rufani. Mungu amekaa kati yenu wana Igunga amewarejeshea Dk. Kafumu", alisema Nape.

Akizungumzia hali ya kisiasa nchini, Nape aliwataka wanaigunga na Watanzania kwa jumla sasa kuwa makini na vyama vya siasa vilivyopo hapa nchini akidai baadhi vimegeuka kuwa vyama vya vurugu na vya kigaidi badala ya kuwa vya siasa kama ilivyokusufdiwa.

Nape aliwataka wananchi wa Igunga kuwatenga wanaoshabikia chama chochote kinachoonekana kuwa cha fujo na kuwa na mipango ya kigaidi.

Akizungumza kwenye mkutano huo, Dk. Kafumu alisema, amefarijika sana kurejeshewa ubunge, akisema anatambua kuwa yeye ndiye chaguo la ubunge kwa wana Igunga kwa kuwa wanamtumainia katika kushirikiana nao kwenye katika kuliendeleza jimbo lao na Tanzania kwa jumla.

Dk. Kafumu aliahidi kuendelea na utekelezaji wa ahadi zake alizowapa wananchi wa jimbo hilo, ikiwemo ujenzi wa dalaja katika mto Mbutu ambalo alisema kutokuwepo kwa daraja hilo kumekuwa moja ya voikwazo vya maendeleo jimboni.

"Alipokuwa nazungumza hapa (Nape) nimetamani kulia kama mtoto wa Mkulima (Waziri Mkuu Mizengo Pinda), kutokana na hisia zilizoniingia kutokana na maneno aliyosema. kwa hiyo sina mengi ya kusema zaidi ya kuwashukuru kwa kunitia moyo nilipokuwa sipo kama mbunge wenu, maana nimekuta baadhi ya ahadi zaungu zimeendelea kutekelezwa", alisema Dk. Kafumu.

"Napenda niwahakikishieni kwamba nitatekeleza ahadi zangu zote na sina shaka nitafanikiwa akwa kuwa mmenipa moyo mkubwa kwa mapokezi mliyonipa na hivyo naamini mtashirikiana nami kwa nguvu zaidi kutekeleza ahadi hizo", alisema.

Mapokezi ya Dk. Kafumu ambaye aliwasili saa nane alasirin akitokea Dodona na Nape, yalianzia kiasi cha kilometa tano nje ya mji ambapo ulienda kwa kusindikizwa na pikipiki zaidi ya 200 na bajaji zaidi ya 60 huku wengine wakitembea kwa miguu kwa shamrashamra hadi Ofisi ya CCM ya Wilaya ya Igumnga.

Kabla ya ubunge wake kutenguliwa na Mahkama baada ya Chadema kwenda mahakamani, baada ya kushinda katika uchaguzi mdogo uliofanyika mwaka 2011, kufuatia aliyekuwa mbunge wa jimbo hilo, Rostam Aziz kujiuzulu.

PICHA ZAIDI ZA MAPOKEZI HAYO:

 Wananchi wakimbeba Mbunge wa Igunga mkoani Tabora, Dk. Dalally Peter Kafumu kumpeleka jukwaani, wakati wa mkutano wa mapokezi yake, jimboni humo uliofanyika leo kwenye uwanja wa Kumbukumbu ya Sokoine mjini Igunga. Dk. Kafumu amerejeshewe ubunge na mahakama kuu baada ya kukata rufani kufuatia awali kuvuliwa pia na mahakama baada ya Chadema kwenda mahakamani aliposhinda katika uchaguzi mdogo wa jimbo hilo uliofanyika mwaka juzi.

 Waendesha bajaji wakimsubiri Dk. Kafumu nje ya mji wa Igunga wakati walipowasili leo

 Msafara wa Dk. Kafumu, ukiongozwa na pikipiki na bajaji baada ya kuwasili mjini Igunga leo

 Dk. Kafumu akiwa na Nape wakati wa mapokezi hayo

 Wazee wa Igunga wakimpongeza Dk. Kafumu kwa kurejeshewa Ubunge, alipowasili leo jimboni Igunga

 Dk. Kafumu akisalimia na baadhi ya wanachama wa CCM alipowasili kwenye Ofisi ya CCM ya Wilaya ya Igunga leo

 Dk. Kafumu na Nape wakiwapungia wananchi baada ya kuwasili Igunga

 Wananchi wakimshangilia Dk. Kafumu alipowasili kwenye mkutano wa mapokezi yake uliofanyika kwenye Uwanja wa kumbukumbu ya Sokoine mjini Igunga

 Dk. Kafumu akiwa na Mwenyekiti wa CCM wa wilaya ya Igunga, Coasta Olomi, kwenye mkutano huo wa mapokezi

 Nape akihutubia kwenye mkutano huo wa mapokezi ya Dk. Kafumu

 "DC hakikisha unasimamia kwa nguvu zote ilani ya uchaguzi ya CCM hapa Igunga", Nape kimwambia mkutano Mkuu wa wilaya ya Igunga

 Kila mmoja alikuwa na shauku ya kumuona Dk. Kafumu kiasi kwamba waliokosa nafasi walipanda kwenye miti kama vijana hawa.

 Maelfu ya wananchji waliofurika kwenye mkutano wakishangilia

Share this: