MKUTANO WA MAONI YA MAREKEBISHO YA KATIBA MPYA YA JAMHURI YA MUUNGANO WA TANZANIA WAFANYIKA NCHINI ITALI

Msaidizi wa Balozi wa Tanzania nchini Italia,Mh. Salvator M.J. Mbilinyi akiwa katika picha ya pamoja na viongozi wa Jumuiya ya Watanzania Italia na baadhi ya wajumbe Jumuiya ya Watanzania Italy iliandaa mkutano

Msaidizi wa Balozi wa Tanzania nchini Italia,Mh. Salvator M.J. Mbilinyi akizungumza machache wakati wa mkutano wa viongozi na wajumbe kwa ajili ya kuweza kutoa ufafanuzi kwa Watanzania walio ughaibuni kushiriki kuchangia maoni ya upatikanaji wa katiba mpya ya Jamhuri ya Muungano wa Tanzania.

Jumuiya ya Watanzania Italy iliandaa mkutano wa viongozi na wajumbe kwa ajili ya kuweza kutoa ufafanuzi kwa Watanzania walio ughaibuni kushiriki kuchangia maoni ya upatikanaji wa katiba mpya ya Jamhuri ya Muungano wa Tanzania. 

Mkutano huo uliofanyika siku ya ijumaa tarehe 19/10/2012 ulihudhuriwa na Mh. Salvator M.J. Mbilinyi msaidizi wa Balozi na mkuu wa utawala kutoka ubalozi wa Tanzania Rome Italy kama mgeni rasmi. Naibu balozi alianza kwa kuwapongeza Watanzania Italia kwa mchango wao mkubwa kwa taifa.

alisema kwa kuwa serikali inatambua mchango wa Diaspora ya Watanzania, ndio maana umewekwa utaratibu huu kwa walio ughaibuni kuweza kutoa maoni katika upatikanaji wa katiba mpya ya Jamhuri ya muungano wa Tanzania.

 Mchakato wa kupata Katiba Mpya ni utaratibu unaosimamiwa na Sheria ya Mabadiliko ya Katiba, Sura ya 83; tunashauri kuwa Watanzania wote wanaotaka kushiriki katika mchakato huo ni vizuri kuzifahamu Katiba ya Jamhuri ya Muungano wa Tanzania ya mwaka 1977 na Sheria ya Mabadiliko ya Katiba, Sura ya 83 ambazo zote zinapatikana katika tovuti ya Tume ambayo ni www.katiba.go.tz Kusoma Sheria hizo kutasaidia kuielewa Katiba ya sasa ubora na upungufu wake na kuelewa utaratibu na masharti yanayoainishwa kisheria kuhusiana na mchakato wa upatikanaji wa Katiba Mpya. "Mh Mbilinyi alinukuu muongozo uliotolewa na tume ya katiba. 

Mh Mbilinyi alielezea pia mambo muhimu ya kuzingatia katika kuchangia maoni kwa Watanzania walioko ughaibuni "alisema Kwa kuwa uratibu na ukusanyaji wa maoni unatawaliwa na kusimamiwa na Sheria, Tume inaelekeza mambo yafuatayo yazingatiwe: 

Mtu yeyote ambaye ni Mtanzania kwa uraia wake anayo haki ya kushiriki katika mchakato huu. Mtu ambaye kwa asili yake ni Mtanzania, lakini amepoteza uraia wa Tanzania hatoweza kushiriki; na akifanya hivyo atakuwa ametenda kosa chini ya Sheria. 

Pia alieleza njia tatu za ukusanyaji maoni, alisema njia tatu za ukusanyaji wa maoni zitatumika. Njia hizo ni kama zifuatazo: (i) Utoaji wa maoni kupitia mitandao ya kijamii, tovuti (www.katiba.go.tz) barua pepe ya Tume, ( katibu@katiba.go.tz This e-mail address is being protected from spambots.

 nukushi + 255-22-2133442 na +255-224-2230769 (ii)

Utoaji wa maoni kupitia nyaraka na barua zitakazotumwa kwa Tume kutumia anwani ya Tume, ambao ni: Katibu, Tume ya Mabadiliko ya Katiba, S.L.P. 1681 DSM au Ofisi ndogo ya Tume, S.L.P. 2775 Zanzibar. 

Endapo Mtanzania anayeishi Ughaibuni atabahatika kuwepo Tanzania wakati wa ukusanyaji wa maoni, anaweza kushiriki katika mchakato huo kama Watanzania wengine walioko nchini kwa kuhudhuria mikutano ya kukusanya maoni iliyoandaliwa na Tume. 

Mwisho Mh Mbilinyi alielezea kuhusu utambulisho wa mtumaji maoni kuwa kila mtu atakayetoa maoni yake Tume anapaswa kubainisha mambo yafuatayo:- (i) majina yake matatu; (ii) namba ya pasi yake ya kusafiria na mahali ilipotolewa; (iii) nchi na mji anaoishi; (iv) endapo atatumia nyaraka au barua, ataambatanisha kivuli cha pasi yake (ukurasa unaoonyesha maelezo ya mtu mwenye pasi hiyo). 

Tume inapenda kuwakumbusha tena Watanzania kuwa utoaji wa maoni ni jambo la uhuru na hiari ya mtu na kwamba mchakato wa kupata Katiba Mpya unawahusu raia wa Tanzania pekee. Nae mwenyekiti wa Jumuiya ya Watanzania Italia ndugu Abdulrahaman A.Alli aliwashukuru viongozi na wajumbe wote na kuwataka kufikisha salam hizi kwa Watanzania wote ili kila mtu atumie haki hii muhimu ambayo ni mchango mkubwa wa taifa letu. 

Jumuiya ya Watanzania Italia inategemea kuandaa mikutano mingine mjini Modena,Genova, Roma na sehemu nyingine ambako kuna Watanzania kwa madhumuni kama haya ya kuhamasisha na kutoa ufafanuzi juu ya uchangiaji maoni ya mabadiliko ya katiba mpya ya Jamhuri ya Muungano wa Tanzania. Mwandishi: Kagutta N.Maulidi (Blogger)